Reperi i njohur Moss-i ka ndezur rrjetet sociale me një thumb të hapur ndaj Butës, duke ironizuar në mënyrë të qartë me projektet e shumta që ky i fundit ka publikuar gjatë këtij viti.
Në një Instastory të postuar së fundmi, Moss shkroi:
“62 kang n’vit po asnjonen hit”
Ky reagim vjen pak orë pasi u njoftua se reperi Buta është artisti që ka punuar më së shumti këtë vit, duke lëshuar 62 këngë gjatë periudhës janar–tetor, përfshirë edhe disa albume si Koleksioni 17–24, PRANVERË/VERË ’25, KREK DIGJITAL dhe VJESHTË/DIMËR ’25.
Në po të njëjtin postim, thuhej se reperi po planifikon të arrijë mbi 100 këngë të publikuara deri në fund të vitit.
View this post on Instagram
Por mesa duket, kjo arritje nuk e ka lënë pa reagim Mossin, i cili ka zgjedhur ta komentojë me ironi dhe humor tipik prej një diss-i në drejtim të Butës.
Kujtojmë se rivaliteti mes Mossit dhe Butës është tashmë i njohur për publikun.
Të dy kanë pasur më herët përplasje dhe shkëmbime thumbuese në rrjetet sociale, duke u konsideruar shpesh si një nga rivalitetet më të ndezura në skenën e repit shqiptar.
Pavarësisht kësaj, të dy artistët vazhdojnë të jenë emra të rëndësishëm në repin shqiptar, secili me publikun dhe stilin e vet, ndërsa fansat tashmë presin nëse Buta do t’i përgjigjet këtij “thumbi” të ri nga Mossi. /Prive By Liberta Spahiu
