Selena Gomez ka folur hapur për anën e saj emocionale dhe frikën që e shoqëron edhe në momentet më të lumtura të jetës.
Ylli ka treguar se pas martesës me producentin Benny Blanco, është ndjerë e përfshirë nga emocione të forta dhe frikë.
“U martova dhe fillova të qaj,” tha Selena gjatë konferencës Fortune’s Most Powerful Women më 15 tetor. “Sepse mendova: ‘Do të vdes nesër.’”
Ajo shpjegoi se shpesh, kur ndodh diçka e mirë në jetën e saj, mendon menjëherë se diçka e keqe mund të vijë më pas.
“Kur ndodh diçka e bukur, në vend që të jem e pranishme dhe të them ‘wow, kemi arritur diçka të mrekullueshme’, unë mendoj ‘po mirë, po nëse kjo zhduket nesër?’ Dhe kështu humbas në ato mendime, në vend që të shijoj momentin. Ky është konflikti im më i madh, sidomos kur më ndodhin gjëra të mrekullueshme,” tha 33-vjeçarja.
Selena dhe Benny u martuan më 27 shtator në një ceremoni private në Kaliforni, në prani të familjarëve dhe miqve më të afërt.
Vetëm pak ditë më vonë, këngëtarja dhe aktorja ndau një mesazh për fansat e saj në Instagram, duke përmendur “momentin e tyre të gëzueshëm”.
“Teksa hyj në një nga periudhat më të veçanta të jetës sime, nuk mund të mos mendoj për ju, miqtë e mi të jashtëzakonshëm që keni qenë me mua në çdo hap të udhëtimit,” shkroi ajo. “Nga ditët e para në ekran, te këngët që kemi kënduar bashkë, e deri te ky fillim i ri – dashuria dhe mbështetja juaj kanë pasur më shumë kuptim për mua se ç’mund ta shpreh me fjalë.”
Së fundmi, Gomez ka shprehur edhe shpresën për të krijuar familje me Benny Blanco, pavarësisht se më parë kishte deklaruar se për arsye shëndetësore nuk mund të mbante shtatzëni.
Në një postim tjetër në Instagram, më 9 tetor, ajo ndau një video nga vazhdimi i serialit Wizards Beyond Waverly Place, ku personazhi i saj, Alex Russo, tashmë është nënë.
“Alex Russo është bërë mami,” shkroi Selena. “Shpresoj që një ditë të jem edhe unë.” /Prive By Liberta Spahiu
