Në kuadër të traditës së kahershme të “Darkës së Lamës”, Presidentja e Kosovës, Vjosa Osmani, ka mbledhur në një mbrëmje simbolike personalitete të larta të jetës institucionale, shoqërore e diplomatike në vend, përfshirë ambasadorë të huaj dhe përfaqësues të trupit diplomatik.
Ngjarja, që sipas Osmanit është një kujtesë e lidhjes me tokën, rrënjët dhe vlerat që na ushqejnë si popull, shënoi këtë vit edhe një moment të veçantë. Në mesin e të ftuarve ishte edhe këngëtarja e re nga Deçani, Alesia Krasniqi, e njohur për publikun si “Malsorja e Deçanit”.
Në këtë mbrëmje, që rastisi me ditëlindjen e saj, Alesia u surprizua me një urim special në emër të Presidentes, një gjest që ajo e ndau me emocion dhe falënderime për të parën e vendit përmes një videoje në llogarinë e saj në TikTok.
@florimkrasniqi743Tu rrit nera Presidetntja jon per ket supriz zoti te bekoft❤️🇦🇱❤️
Darka e Lamës, një nismë e Presidentit historik të Kosovës Dr. Ibrahim Rugova, vijon të jetë çdo vit një shenjë simbolike e mirënjohjes për tokën dhe njerëzit që e mbajnë gjallë këtë vend me punën e tyre.
/Prive By Liberta Spahiu
