Egli Tako ka ndarë një njoftim të rëndësishëm me fansat e saj përmes një postimi në kanalin e saj në Instagram.
Me një mesazh të gjatë dhe plot mirënjohje, Egli ka sqaruar se kanali aktual në të cilin ndjekësit kanë qenë aktivë prej kohësh, nuk është më në pronësinë e saj dhe se nuk do të ketë më asnjë aktivitet që lidhet me emrin e saj.
Ajo ka falënderuar të gjithë për mbështetjen e pandërprerë që i kanë dhënë që nga fillimet e karrierës, duke i kërkuar fansave të bëjnë ‘unsubscribe’ nga ky kanal, pasi nuk do të jetë më i lidhur me projektet e saj muzikore.
Në mesazhin e saj, Egli shkruan:
“Zemrat e mia, duke uruar të jeni mirë, dhe duke ju falënderuar përzemërsisht për gjithë suportin dhe dashurinë që ma jepni pa kursim, dua t’ju lajmëroj se ky kanal nuk është në pronësinë time dhe mund të bëni unsubscribe lirisht, pasi e di që e keni suportuar në nisje të projekteve të mia, por nuk do të ketë më asnjë aktivitet lidhur me mua dhe emrin tim në vazhdim.”
Egli shtoi gjithashtu se së shpejti do të hapë një kanal të ri, ku do të publikojë projektet e ardhshme muzikore:
“Deri në hapjen e një kanali të ri mbi projektet e mia muzikore, po ju një përqafim të madh dhe ju dua shumë!”
Ky njoftim ka ardhur në një periudhë kur Egli po përgatit rikthimin e saj me materiale të reja muzikore, ndërsa fansat kanë reaguar menjëherë me komente mbështetëse dhe plot dashuri për të. /Prive By Liberta Spahiu
