Përgatitjet finale për netët e shumëpritura të “Kënga Magjike 2025” kanë arritur kulmin, ku në qendër të vëmendjes është edhe një prej emrave më të fortë të këtij edicioni, këngëtarja Albina Kelmendi.
Siç konfirmohet nga një postim i fundit në rrjetet sociale, Albina ka përfunduar me sukses provat e saj të fundit përpara se të ngjitet në skenë nesër.
Ajo do të performojë në Natën e Parë Gjysmë-Finale, e cila zhvillohet të Mërkurën, më 19 Nëntor 2025, me këngën e saj të re, “Gënjeja”, një baladë e fuqishme e kompozuar, shkruar dhe orkestruar nga mjeshtri Adrian Hila.
Performanca e Albinës pritet me entuziazëm të madh nga publiku, ndërsa kritikët dhe fansat e kanë cilësuar atë si një pretendente kryesore për fitoren e festivalit. Zëri i saj i veçantë dhe shprehës, së bashku me veshjen e stilistit Joni Peci, pritet të sjellin një moment kulmor në skenën e Pallatit të Koncerteve.
Nata e Parë Gjysmë-Finale do të transmetohet nesër (19 Nëntor), ku artistët do të garojnë për një vend në finalen e madhe të “Kënga Magjike 2025”. /Prive By Liberta Spahiu
