Futbollisti i njohur Edon Zhegrova ka surprizuar nënën e tij, Sanije Zhegrovën, me një dhuratë tejet të veçantë.
Ajo ka ndarë momentin në Instagram, duke treguar se djali i saj, Edoni, i ka dhuruar një orë luksoze “Patek Philippe”, një ndër markat më prestigjioze në botë.
Në postimin e saj, Sanijeja shkruan se kjo ditë do të mbetet gjatë në kujtesën e saj, jo për vlerën materiale të dhuratës, por për dashurinë dhe respektin që ajo simbolizon.
“Sot ishte një ditë që do ta mbaj mend gjatë, plot emocione, krenari dhe dashuri. Djali im më surprizoi me një dhuratë të jashtëzakonshme – një orë Patek Philippe. Jo për vlerën materiale që ka, por për ndjenjën dhe mesazhin që ajo mbart. Të shoh fëmijën tim të rritur, mirënjohës dhe plot respekt, është dhurata më e çmuar që një nënë mund të marrë.”
Kjo orë është një nga modelet më të kërkuara dhe më elegantë të linjës “feminine” të Patek Philippe, çmimi i së cilës mund të shkojë deri në 60,000 euro, në varësi të vitit të prodhimit dhe gjendjes.
Në fund të postimit, nëna e futbollistit shprehu mirënjohje dhe dashuri për fëmijët e saj, duke shkruar:
“Faleminderit djali im që më bën të ndihem kaq e vlerësuar dhe e dashur çdo ditë. Uroj çdo nënë ta përjetojë një moment të tillë dashurie e mirënjohjeje nga fëmijët e saj.”
View this post on Instagram
E gëzofsh! /Prive By Liberta Spahiu
