Personazhi i njohur i rrjeteve sociale, Linda Rei, ka ndarë me ndjekësit e saj në TikTok një përvojë aspak të këndshme që i ka ndodhur së fundmi në aeroportin e Prishtinës.
Në videon që është bërë menjëherë virale, Linda rrëfen me stilin e saj karakteristik momentin kur sapo kishte dalë nga aeroporti dhe po kërkonte një taksi.
“Sapo dola nga aeroporti, po ndizja një cigare, përballë taksive, po kërkoja një taksi kur një taksist më hapi derën dhe më tha ‘Hajde, hyp!’ Hypa brenda, por papritmas më tha: ‘Unë s’e dërgoj këtë!’ – i thashë, okej, dhe zhdrypa”, tregon ajo.
Pas kësaj situate, një tjetër taksist iu afrua dhe e ftoi të hipte në makinën e tij, por siç shpjegon Linda, ajo u përball me një tjetër problem — çmimin e fryrë të udhëtimit.
“Ai më tha 35, dhe kur e kundërshtova zhdrypa sërish nga taksia. Unë s’u pajtova – nuk më bëjnë për budalla për çmim!” – tha Linda e frustuar, duke ditur çmimet e taksive nga aeroporti për në qytetin e Prishtinës.
Sipas saj, situata përfundoi në komisionin përkatës të aeroportit, ku ajo kërkoi sqarime për mënyrën se si po operonin taksitë në hyrje të aeroportit.
Madje Linda nuk e ndali me kaq rrëfimin, ajo ndau edhe pjesë të tjera nga kjo e papritur që i ka ndodhur në aeroportin e Prishtinës.
Videon e saj mund ta ndiqni në postimin mëposhtë! /Prive By Liberta Spahiu
@lindareiofficial
