Një lajm i dhimbshëm ka prekur sot botën artistike.
Ka ndërruar jetë papritmas regjisori nga Ferizaj, Kushtrim Asllani, një emër i njohur për kontributin e tij në teatrin e qytetit dhe në komunitetin artistik të vendit.
Lajmi është ndarë nga miq, kolegë e bashkëpunëtorë të tij, ndërsa Prive By Liberta Spahiu mëson se vitet e fundit ai kishte jetuar në Shtetet e Bashkuara të Amerikës.
Ndër të parët që reaguan për humbjen e tij ishte këngëtari Mentor Haziri, i cili e kishte të afërm familjar.
Ai shkroi:
“Kushtrimi, djali dajës, na la e na tronditi të gjithëve sot. Një djalë shembullor, një artist e regjisor me një kontribut të madh në teatrin e Ferizajt e komunitetin tonë artistik në qytet e më gjerë. Një djalë që na donte të gjithëve e që pritej me ardh me na pa në pranverë. Të pushoftë shpirti në parajsë, Kusha.”
Edhe aktorja Gresa Gashi ka ndarë një moment kujtimi me të, duke shkruar:
“Më tronditi lajmi për vdekjen tënde. U prehsh në paqe, Kushtrim. S’po më besohet.”
Një humbje e madhe për artin dhe njerëzit që e njohën si njeri të dashur, të qetë dhe me shpirt artisti. /Prive By Liberta Spahiu
