Një trend i ri po pushton TikTok-un – dhe këtë herë, bëhet fjalë për një filter që tregon se si do të duken njerëzit kur të plaken.
Në mesin e atyre që kanë marrë pjesë në sfidën virale “AI Aging”, janë edhe disa prej emrave të njohur të showbizit shqiptar, të cilët kanë befasuar me mënyrën sesi inteligjenca artificiale i ka portretizuar në moshë të thyer.
Prezantuesja e njohur Edita Doli ka ndarë një video ku shihet përkrah “versionit të saj të plakur”, duke marrë komplimente për elegancën dhe hijeshinë që ruan edhe dekada më vonë.
Po ashtu, ish-banore e Big Brother VIP Kosova 2, Kader Kicaj, ka ndjekur trendin duke u shfaqur përkrah versionit të saj “të ardhshëm”, ku fansat vërejtën se AI i kishte ruajtur të njëjtin stil të rafinuar e tiparet karakteristike.
Grimierja e njohur Sellma Kasumoviq ka tërhequr vëmendje me mënyrën sesi filteri i ka dhënë pamje të një zonje me stil dhe klas, ndërsa aktorja Diellza Dema ka lënë ndjekësit pa fjalë me realizimin e saj – plot finesë dhe natyrshmëri.
Bukur do duket edhe këngëtarja Rita Haziri.
Ky trend po bën xhiron e rrjeteve sociale, duke dëshmuar se për shumë prej yjeve shqiptarë, bukuria dhe karizma nuk kanë afat skadence.
/Prive By Liberta Spahiu
