Fituesja e shumë çmimeve Grammy, Billie Eilish, bëri një deklaratë të fortë gjatë fjalimit të saj në WSJ Magazine Innovator Awards, duke theksuar se miliarderët duhet të bëjnë më shumë për të ndihmuar botën.
Ajo u shpreh:
“Ju dua të gjithëve, por ka disa këtu që kanë shumë më shumë para se unë… dhe nëse je miliarder, pse je miliarder?”
Më tej, Billie shtoi:
“Pa urrejtje, por po. Jepni paratë tuaja, të pasurve.”
Këngëtarja e hitit “Birds of a Feather” i bëri thirrje kolegëve të saj për veprim, pas fjalimit mbi nevojën për më shumë empati dhe kujdes ndaj të tjerëve.
Dhe nuk ishte vetëm fjalë – gjatë ngjarjes, Stephen Colbert njoftoi se Billie po dhuron 11.5 milionë dollarë nga turneu i saj “Hit Me Hard and Soft” për të mbështetur barazinë në ushqim, drejtësinë klimatike, reduktimin e karbonit dhe luftën kundër krizës klimatike.
Billie u nderua së bashku me Hailey Bieber, George Lucas, Mellody Hobson, Ben Stiller, Spike Lee dhe të tjerë. Çmimet vlerësojnë ata që po thyejnë kufijtë në fushat e tyre, nga muzika te bukuria dhe më tej. /Prive By Liberta Spahiu
Billie Eilish is donating $11.5 MILLION from her ‘HIT ME HARD AND SOFT’ tour proceeds to aid with food equity and the climate crisis.
— Pop Bakes (@ThePopBakes) October 30, 2025
