Këngëtarja e njohur dhe shumë e dashur për publikun, Aida Doçi, po përjeton momente të veçanta shpirtërore. Artistja, e cila njihet për përkushtimin e saj familjar dhe fetar, ka ndarë me ndjekësit lajmin e bukur se ndodhet në vendet e shenjta.
Ajo po kryen pelegrinazhin e Umres, një udhëtim me vlerë të madhe shpirtërore për besimtarët myslimanë. Shpesh i njohur si ‘pelegrinazhi i vogël’, Umrja është një vizitë vullnetare në Qabe, në qytetin e shenjtë të Mekës, dhe ndryshe nga Haxhi, ajo mund të kryhet në çdo kohë të vitit.
Por këtë herë, udhëtimi është edhe më i veçantë për Aidën. Siç ka treguar vetë, ajo shoqërohet nga bashkëshorti i saj, Naseri, dhe ka arritur të përmbushë një ëndërr të madhe: të merrte me vete edhe prindërit e saj.
Në një postim emocionues në Instagram, ku shihen prindërit e saj të lumtur para Xhamisë së Profetit në Medinë (një tjetër ndalesë e rëndësishme gjatë këtij udhëtimi), Aida ka shprehur gjithë mirënjohjen e saj.
“Elhamdulillah… Allahu i madhërishëm m’i pranoi lutjet e mia – t’i sjell prindërit e mi në Umre,” shkruan këngëtarja. “Asgjë s’është më e bukur sesa t’i shoh në vendin më të shenjtë, me zemrat plot besim e lot gëzimi. Falënderimet i takojnë vetëm Atij që bën çdo gjë të mundur.”
Ky gjest i këngëtares ka prekur zemrat e ndjekësve, të cilët e kanë përgëzuar për këtë veprim domethënës. /Prive By Liberta Spahiu
