Dje ishte një ditë e veçantë për ish-çiftin e famshëm, Xhensila Myrtezaj dhe Bes Kallaku, pasi i biri i tyre, Amen, festoi 2-vjetorin e lindjes.
Megjithatë, ky moment i shënuar duket se nuk ka mjaftuar për të bërë bashkë dy prindërit.
Nga vëzhgimet në rrjetet sociale, fansat kanë vënë re se Xhensila dhe Besi kanë organizuar dy festa të ndara për të birin.
Si këngëtarja, ashtu edhe aktori, kanë ndarë me ndjekësit e tyre video dhe foto nga festimet respektive, duke konfirmuar kështu se nuk kanë qenë bashkë në këtë ditë të rëndësishme për Amenin.
Mes shumë urimeve dhe momenteve të lumtura, vëmendjen e mori një dhuratë speciale.
Xhensila i ka dhuruar të birit një qenush, një gjest ky që duket se e ka lumturuar pa masë të voglin, siç shihej edhe në videot e publikuara nga vetë këngëtarja.
Amen erdhi në jetë dy vite më parë, duke e bërë Xhensilën dhe Besin prindër për herë të dytë, pas vajzës së tyre, Ajka. /Prive By Liberta Spahiu
