Ish-banorja e njohur e “Big Brother VIP Kosova 2”, Alby, ka festuar ditëlindjen e saj të 34-të. Këtë përvjetor të veçantë, ajo e ka kurorëzuar me një portret familjar të rrallë dhe plot dashuri, duke e ndarë atë me të gjithë ndjekësit e saj.
Për herë të parë, Alby ka publikuar një imazh ku shfaqet jo vetëm me partnerin e saj, por me të treja vajzat që tashmë bashkëjetojnë si një familje e madhe.
Në foton e postuar, shihet qartë lumturia e familjes së bashkuar. Aty shfaqet vajza e madhe e Alby-t nga një lidhje e saj e mëparshme, vajza e partnerit të saj nga një lidhje e tij e mëparshme, si dhe vajza e vogël e përbashkët e çiftit.
E gjithë familja ka pozuar e veshur në të bardha, në atë që duket të jetë një festë tejet luksoze e organizuar në një jaht, me dekore balonash ku shkruhet “Happy Bday”.
Krahas fotos së ëmbël, ku të gjithë duken të lumtur, Alby ka shkruar: “Duke festuar ditëlindjen time pak më ndryshe këtë vit dhe nuk do të doja të ishte ndryshe 🙏🏼👩👩👧👧💜”.
Ky imazh i parë i familjes së tyre të plotë ka marrë menjëherë mijëra pëlqime dhe komente të shumta urimi nga ndjekësit dhe miqtë, të cilët kanë përgëzuar Alby-n jo vetëm për ditëlindje, por edhe për familjen e bukur që ka krijuar.
/Prive By Liberta Spahiu
