Një lajm shumë i bukur ka ardhur nga familja e ish-kryetarit të Kuvendit të Kosovës, Jakup Krasniqi. Vajza e tij, Çlirimtarja, i ka dhënë fund beqarisë duke u fejuar zyrtarisht me partnerin e saj, Rronin.
Lajmin e ka bërë publik vëllai i saj, Altin Krasniqi, përmes një postimi në rrjetet sociale. Ai ka ndarë me ndjekësit një foto të ëmbël të çiftit të ri, duke zbuluar një nga momentet më të rëndësishme dhe më të pritura për familjen e tyre.
Në mesazhin e tij, Altini ka zbuluar se Rroni kishte udhëtuar dy muaj më parë për të vizituar Jakup Krasniqin, me qëllim që t’i kërkonte dorën e vajzës dhe të merrte bekimin e tij atëror. Pas marrjes së këtij bekimi, çifti ka kurorëzuar tashmë dashurinë e tyre me fejesë.
Përtej gëzimit, postimi mbartte edhe një ndjesi të fortë malli. Altini ka reflektuar mbi vështirësitë e viteve të fundit, duke u shprehur se këto gjashtë vite i kanë kaluar mes dhimbjes për mungesën e babait të tyre dhe gëzimeve për arritjet familjare e profesionale që kanë ndodhur përgjatë kësaj kohe.
Në mbyllje të urimit, ai ka shprehur shpresën e madhe që kjo të jetë hera e fundit që familjes u duhet ta ndajë gëzimin mes dy shteteve.
Krahas urimit për një jetë të lumtur për Çlirimtaren dhe Rronin, Altini ka uruar edhe për kthimin sa më të shpejtë të Jakup Krasniqit dhe shokëve të tij në Kosovë.
/Prive By Liberta Spahiu
