Tragjedia e humbjes së Daorsa Spahiut ka marrë një kthesë të re pas dëshmisë publike të tezes së saj, e cila ka folur në emisionin “Shqipëria Live”, duke hedhur dritë mbi dinamikat e lidhjes së Daorsës me ish-partnerin e saj.
Tezja konfirmoi se Daorsa ishte ndarë nga i dashuri në muajin gusht dhe kishte qëndruar për dy muaj në Gjakovë.
Dëshmia e saj zbulon momentin kur familja kishte ndërhyrë, e alarmuar për gjendjen e vajzës:
“Një ditë gjyshja e Daorsës e ka thirr ish-partnerin dhe i ka thënë që kjo lidhje duhet të shkëputet sepse është shumë toksike.”
Përgjigja e ish-partnerit ishte tejet kërcënuese dhe dramatike, sipas tezes. Ai kishte deklaruar se Daorsa nuk do të ndahej prej tij në asnjë mënyrë:
“Ai i ka thënë që ose gjallë ose vdekur Daorsa prej meje nuk ka me u nda.”
Tezja shprehu indinjatën e saj të thellë për faktin se ish-partneri është në liri dhe theksoi rolin e tij si shtytës kryesor në humbjen e Daorsës: “Nuk e di pse ai është në liri dhe është shtytësi kryesor pse Daorsa nuk jeton më.” Ajo i bëri thirrje Prokurorisë që të marrë në konsideratë këto fakte tronditëse gjatë hetimit të çështjes. /Prive By Liberta Spahiu
View this post on Instagram
