Këngëtarja me origjinë shqiptare, e cila ka pushtuar skenën ndërkombëtare, Rita Ora, feston sot ditëlindjen e saj të 35-të.
View this post on Instagram
E lindur më 26 nëntor 1990 në Prishtinë, Kosovë, Rita Sahatçiu Ora është shndërruar në një nga artistet më të suksesshme dhe më me ndikim në industrinë e muzikës botërore, duke e përfaqësuar vazhdimisht me krenari origjinën e saj shqiptare.
Karriera e Ritës mori flakë në vitin 2012, kur ajo lëshoi albumin e saj debutues, “Ora”. Albumi arriti në vendin e parë në Mbretërinë e Bashkuar dhe prodhoi hitet e mëdha si “R.I.P.” dhe “How We Do (Party)”.
Që atëherë, Ora ka shënuar rekorde të shumta. Ajo ka qenë artistja me më së shumti këngë që kanë arritur në Top 10 të klasifikimeve në Mbretërinë e Bashkuar. Ndër hitet e saj më të mëdha ndërkombëtare përfshihen:
“Hot Right Now” (bashkëpunim me DJ Fresh)
“I Will Never Let You Down”
“Your Song”
“Let You Love Me”
Përveç muzikës, Rita Ora ka dëshmuar talentin e saj edhe në aktrim dhe moderim. Ajo ka shërbyer si juri në spektakle të njohura si The X Factor dhe The Voice UK, si dhe ka luajtur role në filma si trilogjia Fifty Shades dhe Pokémon Detective Pikachu.
Sot, në këtë ditë të veçantë, ajo vazhdon të jetë një frymëzim global, duke dëshmuar suksesin e vazhdueshëm në muzikë dhe modë. /Prive By Liberta Spahiu
View this post on Instagram
