Këngëtarja e mirënjohur e muzikës popullore dhe folklorike shqiptare, Afërdita Demaku, ka sjellë projektin e ri muzikor, në bashkëpunim me djalin e saj, këngëtarin Jano.
Dyshja kanë lançuar këngën e tyre të re me titull: “Gzona djalë me një nafak”, një dedikim i sinqertë dhe i thellë për të gjitha nënat shqiptare.
Kënga është konceptuar si një mesazh tradicional dhe emocional, ku portretizohet zëri i një nëne që i drejtohet djalit të saj.
Nëna i kërkon djalit të gjejë një nuse të denjë për familjen, duke reflektuar vlerat kulturore dhe dëshirat e prindërve për lumturinë dhe jetëgjatësinë e fëmijëve të tyre.
Produksioni i videos për këtë këngë i është besuar shtëpisë së njohur filmike MProduction.
Lansimi i këngës “Gzona djalë me një nafak” shënon një tjetër sukses në karrierën e dy artistëve, duke sjellë freski në skenën muzikore, por duke ruajtur njëkohësisht rrënjët tradicionale.
Dëgjojeni të plotë në linkun më poshtë! /Prive By Liberta Spahiu
