Një “luftë e ftohtë” sapo ka shpërthyer publikisht mes moderatores ikonë, Alketa Vejsiu, dhe producentes së “Big Brother VIP Kosova”, Olsa Muhameti. Gjuha e përdorur është më e ashpër se kurrë dhe përplasja ka kaluar në personale!
Çdo gjë nisi nga një pyetje e thjeshtë në Instagramin e Alketës, por përfundoi në një kundërpërgjigje brutale nga “gruaja e hekurt” e produksionit në Kosovë.
Alketa Vejsiu: “Big Brother Kosova është Porno!”
Gjatë një bashkëbisedimi me ndjekësit, Alketa Vejsiu nuk i ka kursyer kritikat e rënda ndaj formatit që drejtohet nga Olsa Muhameti. E pyetur për mendimin e saj, ajo e ka cilësuar “Big Brother VIP Kosova” si një tejkalim të çdo limiti etik:
“Nuk jam për Porno në mes të ditës kurrsesi. Shoh skena që të krijojnë bezdi, diskomfort… Pse duhet të bëhen model ca modele që s’përfaqësojnë asgjë, veç tundin të pasmet dhe na japin leksione erotizmi.”
Alketa nuk u ndal me kaq, duke shtuar se nëse ajo do ta bënte një format të tillë, do të “ngrinte nivelin” dhe i shpalli “luftë vulgaritetit”.
Reagimi i flaktë i producentes: “Je fasadë, pa brendi!”
Nuk ka vonuar përgjigja e producentes së BBVK, Olsa Muhameti. Pa ia përmendur emrin, por me një adresim të qartë kristal, Olsa ka goditur rëndë duke e quajtur Alketën “Mbretëreshë të programeve të vyshkura”.
Në një Instastory plot nerv, producentja shkruan:
“Dmth të gjykosh ti: ‘Mbretëresha’ e programeve të vyshkur, arkaik, pa emocion, ashtu fake si ty! Dhe mos analizo një program vetëm nga rrjetet sociale… se tregon jo profesionalizëm.”
Olsa e mbyll deklaratën me një sfidë të hapur, duke i kujtuar moderatores një humbje të vjetër: “Gjithsesi të sfidoj, po kam frikë se do humbasesh si para ca vitesh…”
Prezantuesja vs. Producentja
Rrjeti po zien! Ndërsa Alketa gjykon nga pozita e moderatores që kërkon standarde etike, Olsa mbron me forcë “krijesën” e saj si producente, duke e akuzuar rivalen për mungesë autenticiteti.
