E ftuar në televizionin Alsat, halla e këngëtarit të ndjerë, Shpat Kasapit, Flora Kasapi Sherifi, ka folur për herë të parë pas humbjes së tij.
Flora në bisedë me gazetaren Flora Shabani ndau me publikun kujtimet e saj për karrierën e shkëlqyer muzikore të nipit, për pasionin dhe suksesin që ai arriti në skenën shqiptare.
Zonja Kasapi shprehu me dhimbje të thellë, se Shpati kishte kërkuar bashkëpunim dhe mbështetje nga kolegët e tij kohët e fundit të karrierës, por kjo nuk kishte ndodhur.
“Çka më dhemb më shumë është se Shpati kërkoi, kërkoi bashkëpunime e ndoshta as mesazhet nuk ia kanë lexuar! Pse nuk i duam kurrë kur kemi njëri-tjetrin? Kjo është e dhimbshme”, shprehet mes tjerash halla e Shpatit
View this post on Instagram
Kjo deklaratë prekëse shënoi një moment emocional në intervistë, duke ngritur pikëpyetje rreth marrëdhënieve brenda komunitetit artistik.
Ajo zgjodhi të mos përmendte emra, por theksoi mungesën e mbështetjes, një temë që duket se i ka lënë një plagë të thellë familjes Kasapi. /Prive By Liberta Spahiu
