Lidhja mes yllit të Borussia Dortmund, Karim Adeyemi, dhe reperes shqiptare Loredana, nuk është më thjesht një romancë rozë, por një marrëdhënie solide që ka sfiduar kohën.
Çifti, të cilët kanë vite që bashkëjetojnë dhe ndajnë çdo moment me njëri-tjetrin, kanë treguar edhe një herë se janë më të bashkuar se kurrë.
Me rastin e ditëlindjes së Hanës, vajzës së Loredanës, Adeyemi ka lënë mënjanë famën e futbollit për të bërë një urim tejet të ëmbël.
Përmes disa postimeve në rrjetet sociale, ai ka ndarë momente ku shihet duke u argëtuar me vogëlushen, duke dëshmuar se pas vitesh pranë tyre, Hana është tashmë pjesë e pandashme e jetës së tij.
Ajo që ka “çmendur” ndjekësit shqiptarë është fakti që futbollisti gjerman ka zgjedhur të urojë Hanën në gjuhën shqipe. “Gëzuar ditëlindjen Hanush, shpirti jem” dhe “Të dua shumë”, ishin fjalët që Adeyemi përdori në fotot ku shfaqet duke përqafuar Hanën dhe duke ngrënë thjeshtë me të në rrugë.
Urime! /Prive By Liberta Spahiu
