Aktori i famshëm turk Halit Ergenç u gjend në qendër të një skandali gjyqësor pasi u akuzua nga autoritetet turke për dhënie dëshmie të rreme. Ai u dënua me 1 vit e 10 muaj burg.
Çështja lidhet me protestat në Parkun Gezi të Stambollit, të cilat u zhvilluan në vitin 2013. Drejtoresha e kastingut e arrestuar së fundmi, Ayşe Barım, e dyshuar për përfshirje në organizimin e protestave, dha dëshmi në të cilën përmendi kontaktet me disa aktorë, përfshirë Ergençin dhe kolegun e tij Riza Kocaoglu.
Sipas hetuesve, të dy artistët dhanë informacione të rreme gjatë marrjes në pyetje, ndërsa përpiqeshin të mbronin Barimin. Si rezultat, prokuroria nisi një hetim, i cili përfundoi me përgatitjen e një aktakuze.
Të akuzuarit pretenduan se nuk kishin motive politike dhe iu bashkuan protestave vetëm për arsye civile dhe mjedisore. Publiku turk po diskuton në mënyrë aktive situatën, duke ngritur pyetje në lidhje me lirinë e fjalës dhe presionin mbi njerëzit e famshëm.
Fillimisht, prokuroria kërkoi deri në katër vjet burg për aktorin, por e zbuti dënimin për shkak të mungesës së të dhënave penale. /Prive By Liberta Spahiu
