Një nga shoqëritë më të përfolura dhe më të dashura të ekranit shqiptar duket se po kalon një krizë të fortë.
Miqësia shumëvjeçare mes Einxhel Shkirës, Graciano Taganit, Fjoralba Ponarit dhe Argjira Spancës, e cila u konsolidua kryesisht gjatë bashkëpunimit të tyre në emisionin “E Diell”, siç duket ka marrë një kthesë krejtësisht të papritur.
Detajet e para të kësaj rritjeje të tensioneve janë vënë re në rrjetet sociale.
Syrit të mprehtë të “Prive By Liberta Spahiu” nuk i ka shpëtuar fakti se Einxhel Shkira ka bërë “pastrime” në llogarinë e saj në Instagram.
Moderatorja ka hequr nga lista e ndjekësve të tre miqtë e saj: Gracianon, Fjoralbën dhe Argjirën. Interesant është fakti se ky veprim duket të jetë i njëanshëm, pasi të tre ende e mbajnë Einxhel në listat e tyre të ndjekësve.
Ky zhvillim ka krijuar mjaft pikëpyetje, pasi katërshja njihej për lidhjen e ngushtë dhe mbështetjen që i jepnin njëri-tjetrit edhe pas largimit të Einxhel nga programi për t’u bërë pjesë e “Big Brother VIP”.
Megjithatë, një detaj tjetër që bie në sy është se Einxhel vazhdon ta mbajë në listën e miqve (following) moderatorin Flori Gjini, duke lënë të kuptohet se krisja ka ndodhur specifikisht me pjesën tjetër të grupit.
Deri më tani, asnjë nga protagonistët nuk ka bërë një reagim zyrtar për të sqaruar nëse bëhet fjalë për një debat momental apo për një mbyllje përfundimtare të kësaj miqësie që ka zgjatur për vite me radhë. /Prive By Liberta Spahiu
