Me numërimin e rreth 30% të kutive të votimit, kanë dalë në dritë shifrat e para për kandidatin e LDK-së, Lumbardh Salihu.
Deri më tani, Lumi ka grumbulluar rreth 1200 vota. Ky rezultat reflekton një ecuri sfiduese për ish-fituesin e Big Brother, i cili po garon për një ulëse në Parlament.
Duke u bazuar në këtë trend aktual, parashikimet tregojnë se rezultati final i Lumbardhit pritet të jetë i ngjashëm me atë të zgjedhjeve të shkurtit, ose në rastin më të vështirë, pak më i dobët.
Megjithëse procesi i numërimit vazhdon, shifrat e deritanishme tregojnë se mobilizimi i votuesve nuk ka arritur pritshmëritë e larta të fillimit.
Pavarësisht kësaj, vetë Lumbardhi ka reaguar përmes një postimi në rrjetet sociale, duke pranuar se rezultati nuk është i kënaqshëm.
Ai falënderoi qytetarët për përkrahjen dhe u shpreh i vendosur për të vazhduar rrugëtimin e tij politik, duke theksuar se do të vazhdojë të kontribuojë për vendin vetëm përmes rreshtimit në LDK. /Prive By Liberta Spahiu
