Nata e sotme Prime në “Big Brother VIP Kosova 4” premton emocione të forta dhe surpriza që mund të ndryshojnë rrjedhën e lojës.
Moderatori Alaudin Hamiti ka ndezur rrjetin me një postim në Instagram, ku paralajmëron: “Telefoni sonte do cingërroj në Big, por për kë?”
Menjëherë pas këtij paralajmërimi, ndjekësit kanë shpërthyer në hamendësime. Dyshimet më të forta fillimisht ranë mbi Klodin. Konkurrenti është shprehur më herët se ka lënë një raport të rëndësishëm pezull jashtë shtëpisë, duke deklaruar se nëse ajo marrëdhënie rrezikohet, ai do të lërë automatikisht garën.
Por, Klodi nuk është i vetmi. Një pjesë e mirë e komentuesve janë të bindur se telefonata mund të jetë për Elijonën, duke e bërë situatën edhe më të paqartë.
Për këtë do bie zilja sonte? Për “ultimatumin” e Klodit, për Elijonën, apo dikë tjetër? Mbetet të zbulohet në spektakël. /Prive By Liberta Spahiu
