Marrëdhëniet në familjen Beckham kanë arritur në pikën më kritike. Djali i madh i çiftit, Brooklyn Beckham, u ka dërguar prindërve të tij një njoftim zyrtar ligjor përmes të cilit i paralajmëron se tashmë mund ta kontaktojnë vetëm përmes avokatëve. Ky letër-urdhër i jashtëzakonshëm i udhëzon Davidin dhe Victorian që të mos e përmendin (“tag”) më djalin e tyre në rrjetet sociale.
Shkak për këtë krizë të fundit u bë një veprim në dukje i thjeshtë: Victoria Beckham pëlqeu (“like”) një video ku Brooklyn po gatuante pulë në Instagram. Ky veprim u konsiderua si shkelje e kërkesës ligjore nga ana e Brooklyn-it, i cili menjëherë bllokoi prindërit e tij online. Edhe vëllai i vogël, Cruz, konfirmoi situatën duke shkruar se prindërit dhe ai vetë u zgjuan të bllokuar nga rrjetet sociale të Brooklyn-it.
Burime pranë çiftit të ri tregojnë se ky vendim erdhi pas javësh të tëra frustrimi. Brooklyn dhe bashkëshortja e tij, Nicola Peltz (e cila gjithashtu i ka bllokuar vjehrrit), besojnë se kërkesat e tyre për një pajtim privat janë injoruar vazhdimisht. Sipas tyre, David dhe Victoria kanë vazhduar ta përmendin djalin publikisht në internet për të treguar afërsi, në vend që të tentonin një komunikim privat dhe të sinqertë.
Nga ana tjetër, David dhe Victoria Beckham thuhet se janë të dërrmuar dhe të habitur nga ky vendim. Ata pretendojnë se veprimet e tyre në rrjetet sociale kanë pasur si qëllim vetëm t’i tregojnë djalit të tyre se “dera është gjithmonë e hapur”. Pasi morën letrën nga avokatët, ata u ndjenë sikur nuk kishin asnjë mënyrë tjetër fizike për të kontaktuar me të, ndaj përdorën platformat publike si mjetin e fundit.
Situata bëhet edhe më komplekse pasi bëhet e ditur se David dhe Victoria përfaqësohen nga firma prestigjioze ligjore “Harbottle & Lewis”, e cila shërben edhe për Mbretin Charles. Edhe pse bëhet fjalë për një kërkesë përmes avokatëve dhe jo një kërcënim të drejtpërdrejtë gjyqësor, ky lëvizje mbetet e paprecedentë në historinë e familjes së famshme.
Pavarësisht kësaj drame, Brooklyn nuk i ka bllokuar gjyshërit apo anëtarët e tjerë të familjes së gjerë, me të cilët vazhdon të komunikojë normalisht. Megjithatë, pajtimi me prindërit duket shumë larg, pasi bllokimi pasoi edhe ftesën që David i bëri djalit për të festuar titullin e tij “Sir” në nëntor, ftesë që duket se nuk u prit mirë nga çifti Brooklyn-Nicola. /Prive By Liberta Spahiu
