Drama në shtëpinë më të famshme në Shqipëri, Big Brother VIP Albania 5, nuk ka të sosur dhe këtë herë në qendër të vëmendjes është historia e mjegullt mes Mateo Borrit dhe Brikena Selmanit.
Pas një nominimi që duket se e ka lënduar jo pak sedrën e tij, Mateo ka vendosur të thyejë heshtjen dhe të japë versionin e tij të ngjarjeve, duke lënë të kuptohet se gjërat mes tyre ishin shumë më komplekse sesa duken në ekran. Gjatë një bisede mjaft të ndjerë dhe intime me Selin Bollatin, banori tregoi anën e tij të prekshme, duke zbuluar se krisja e raportit me Brikenën nuk erdhi për shkak të mungesës së kimisë, por nga faktorë krejtësisht të jashtëm që mesa duket kanë tronditur ekuilibrat.
Me një ton të mbushur me keqardhje por edhe vendosmëri, Mateo u shpreh se njerëz të tretë nga rrethi i Brikenës kanë ndërhyrë duke e bërë situatën të pamundur për të vazhduar normalisht. Ai theksoi se ka zgjedhur me vetëdije të qëndrojë në heshtje deri tani për t’i lënë hapësirë asaj të shprehet, por nuk e fshehu faktin se ndjenjat ekzistojnë. Ai deklaroi hapur se nuk mund ta shohë Brikenën thjesht si “një nga gocat e shtëpisë”, duke pranuar se ka pasur një kontakt real mes tyre para se situata të ndërlikohej. Fjalët e tij lanë të kuptohet se ai ende e vlerëson atë, pavarësisht ftohtësisë aktuale që mbizotëron në shtëpi.
Megjithatë, historia bëhet edhe më interesante kur dëgjon palën tjetër, sepse medalja ka gjithmonë dy anë. Ndërkohë që Mateo flet për ndjenja, pengesa dhe ndërhyrje dramatike, Brikena duket se ka hedhur një kovë me ujë të ftohtë mbi të gjithë këtë rrëfim romantik të tij. Në një qëndrim diametralisht të kundërt, ajo e ka minimizuar në mënyrë drastike raportin e tyre, duke deklaruar prerë se ata janë takuar vetëm një herë të vetme dhe se nuk ka asgjë më shumë për të diskutuar apo analizuar.
Kjo mospërputhje flagrante mes dy versioneve ka ngritur pikëpyetje të mëdha tek publiku: A është Mateo duke e romantizuar situatën për vëmendje, apo Brikena po përpiqet të fshehë të shkuarën për strategji loje? Mbetet për t’u parë se kush po e thotë të vërtetën e plotë. / Prive By Liberta Spahiu
Pamjet: Top Channel – Big Brother VIP Albania
