Pas eksperiencës së tij të bujshme në Big Brother VIP Kosova, Toney nuk ka humbur kohë dhe është shfaqur tejet aktiv në jetën publike, duke shfrytëzuar famën për projekte të reja. Ish-banori tashmë ka konfirmuar zyrtarisht hyrjen në industrinë e muzikës, duke paralajmëruar këngën e tij të parë direkt nga studio e Diez Production, por duket se muzika nuk është e vetmja risi në jetën e tij.
Burime të sigurta pranë Prive By Liberta Spahiu kanë bërë të ditur se Toney ka nisur një njohje të re romantike, e cila e ka zanafillën nga një ftesë televizive.
Bëhet fjalë për Ega Islamin, e cila është bashkë-moderatore në emisionin “Dheze mikrofonin” nga Bini Nebihu, ku Toney ishte së fundmi i ftuar special. Duket se shkëndijat mes tyre kanë nisur pikërisht gjatë asaj puntate, për të vazhduar më pas jashtë kamerave dhe studiove televizive.
Dëshmitarë okularë kanë rrëfyer për Prive By Liberta Spahiu se i kanë parë ata tejet të afërt në disa lokacione të frekuentuara në kryeqytet.
Sipas këtyre dëshmive, gjuha e tyre e trupit dhe kimia e dukshme nuk lënë vend për interpretime të tjera, përpos asaj të një çifti në hapat e parë të romancës.
Se si do të shkojë kjo marrëdhënie mbetet për t’u parë në ditët në vijim. /Prive By Liberta Spahiu
@prive.libertaspahiuEkskluzive / Toney në hapat e parë të romancës pas BBVK, kush është bukuroshja që po i merr zemrën
