Një situatë e pazakontë dhe tejet e dyshimtë po qarkullon orët e fundit në rrjet, duke vendosur në qendër të vëmendjes dy emra të mëdhenj të muzikës franceze dhe një hit të padiskutueshëm shqiptar.
Zaho dhe Moha K kanë publikuar me pompozitet copëza nga projekti i tyre më i ri “Sayer”, por gëzimi i tyre në studio duket se është ndërtuar mbi punën e dikujt tjetër. Për çdo vesh shqiptar, dhe jo vetëm, tingujt e kësaj kënge janë identikë me ata të baladës ikonike “A Je” të Bardhit.
Ngjashmëria nuk është thjesht në inspirim; ajo tingëllon si një kopje flagrante e vijës melodike që Çelik Lipa krijoi vite më parë dhe që Bardhi e shndërroi në himn absolut. Deri më tani, nuk figuron asnjë kreditim për artistët shqiptarë dhe asnjë shenjë se ky është një huazim i autorizuar, duke lënë të kuptohet se me shumë gjasë kemi të bëjmë me një përvetësim të pastër të pronës intelektuale.
@moha_kaid212 « SAYER» X @Zaho ✨ #fyp #tiktokmusic #pourtoii #newsong ♬ son original – Moha K Është e habitshme se si emra me kaq peshë në industrinë evropiane guxojnë të hedhin në treg një material kaq të ngjashëm me një këngë që numëron dhjetëra miliona klikime, duke injoruar faktin se në epokën digjitale e vërteta del sheshit menjëherë.
Ky veprim pritet të sjellë reagime të forta, e pse jo edhe përballje serioze ligjore për këtë “grabitje” artistike në mes të ditës, pasi vështirë se një vjedhje e tillë mund të kalojë në heshtje. /Prive By Liberta Spahiu
