Këngëtarja e njohur Fjolla Morina ka tërhequr vëmendjen e ndjekësve të saj në Instagram, përmes një video të fundit në Instastory.
Teksa shfaqet brenda në veturë duke shijuar ritmet e muzikës, Fjolla duket se ka bërë një lëshim që ka rënë në sytë e ndjekësve, duke krijuar përshtypjen se nuk i njeh mirë koleget e saj me famë botërore.
Ajo që ra menjëherë në sy ishte momenti kur në sfond dëgjohej hiti “One Kiss”. Ndonëse kënga interpretohet nga ylli kosovar me famë botërore, Dua Lipa, Fjolla ka etiketuar në video Rita Orën.
Gafa nuk ka mbetur vetëm tek shkrimi mbi video. Gjatë kohës që kënga e Dua Lipës dëgjohej në makinë, Fjolla dëgjohet të thotë vazhdimisht: “Rita Ora.. loçka”, duke konfirmuar kështu bindjen e saj se po dëgjonte ritmet e Ritës.
Ky veprim ka nxitur reagime të shumta, pasi bëhet fjalë për dy nga artistet më të famshme shqiptare në botë, zërat e të cilave janë mjaft të dallueshëm. Nuk dihet nëse ky ishte një lapsus i momentit apo Fjolla vërtet nuk e bën në këtë këngë dallimin mes dy yjeve të pop-it. /Prive By Liberta Spahiu
