Këngëtarja e njohur e skenës shqiptare, Fatlume Popovci, ka ndarë së fundmi një arritje të rëndësishme në karrierën e saj artistike, duke u bërë pjesë e një rrethi të ngushtë artistësh që performojnë në destinacionet më luksoze të botës.
Përmes një postimi emocional në rrjetet sociale, ajo ka njoftuar ndjekësit se ka performuar në një dasmë në Dubai, duke u identifikuar si artistja e parë shqiptare e zhanrit “popullore moderne” që prek këtë treg specifik festash private.
Në mesazhin e saj drejtuar publikut, Popovci falënderoi të gjithë mbështetësit që e kanë ndjekur në rrugëtimin e saj, duke vënë në dukje se muzika popullore shqiptare po gjen hapësirë edhe në mjedise kaq prestigjioze dhe ndërkombëtare siç është Dubai.
Ky zhvillim vjen në një kohë kur prezenca e artistëve shqiptarë në Emiratet e Bashkuara Arabe po bëhet gjithnjë e më e shpeshtë. Në të njëjtin kontekst janë përmendur edhe emra të tjerë të estradës si Dafina Zeqiri, Enca, Era Istrefi dhe Tayna, të cilat kanë performuar në klube, festa luksoze dhe evente të profilit të lartë ndërkombëtar.
Ky sukses i radhës konfirmon se kufijtë e muzikës shqiptare po zgjerohen vazhdimisht, duke dëshmuar se kërkesa për artistët tanë po rritet jo vetëm në diasporë, por edhe në qendrat globale të luksit dhe argëtimit.
Kujtojmë se javën që lamë pas Fatlume Popovci ishte e ftuar në Prive By Liberta Spahiu ku për herë të parë rrëfeu ndarjen nga bashkëshorti.
Ndiqni rrëfimin e saj në materialin më poshtë! /Prive By Liberta Spahiu
