Kur dy nga vajzat më të suksesshme dhe më të përfolura të showbiz-it shqiptar bëhen bashkë në kryeqytetin botëror të luksit, e sigurt që diçka e madhe është duke ndodhur.
Kida dhe Luana Vjollca kanë kthyer sytë e publikut nga vetja mbrëmjen e sotme, duke ndarë një moment nga darka e tyre ekskluzive nën dritat blu të ikonikut Burj Al Arab në Dubai. Ishte Kida ajo që postoi e para pamjen e mrekullueshme të dy bukurosheve, të shoqëruar me mbishkrimin e ngrohtë “Dashuria”, duke dëshmuar raportin e ngushtë dhe miqësinë që kanë ruajtur mes tyre pavarësisht distancës.
Megjithatë, ky takim i sotëm nuk duket si thjesht një darkë e rastësishme pushimesh apo argëtimi. Të dyja divat ndodhen aktualisht në Emiratet e Bashkuara Arabe për hapa gjigantë në karrierat e tyre, secila në rrugën e vet të suksesit.
Luana Vjollca po shijon jehonën e pjesëmarrjes në “Global Fashion Awards” dhe Festivalin e Modës në Dubai Mall, duke rritur markën e saj ndërkombëtare të bukurisë, LULU. Ajo është fokusuar plotësisht te sipërmarrja duke marrë pjesë në panele elitare të biznesit.
Paralelisht, Kida po jeton ëndrrën e saj mes projekteve të reja muzikore dhe jetës përrallore me partnerin, biznesi i të cilit lidhet ngushtë me Dubain.
Bashkimi i dy forcave të tilla në një tavolinë sonte ka ndezur menjëherë aludimet mes fansave: a po bëhet fjalë vetëm për një gotë mes mikeshave, apo pas kësaj fshihet ndonjë bashkëpunim multimilionësh që do të flitet gjatë? Një gjë është e sigurt, Dubai i shkon shumë dy ikonave tona. /Prive By Liberta Spahiu
