Teksa numërimi mbrapsht për premierën e shumëpritur të filmit me Luiz Ejllin ka nisur, Kiara Tito duket se nuk e ka gjetur qetësinë e plotë në prag të këtij eventi. Moderatorja ka zgjedhur Instagramin pak minuta më parë për të dhënë një mesazh të fortë, që në zhargonin e showbizit përkthehet qartë si një “thumb” i drejtpërdrejtë për dikë që nuk po e gëlltit dot vëmendjen që çifti po merr këto ditë.
Përmes shprehjes në anglisht “Xhelozia është sëmundje. Shërim të shpejtë”, Kiara ka lënë të kuptohet se kjo periudhë e ngarkuar me angazhime ka sjellë edhe “syrin e keq” rreth saj.
Nuk dihet saktësisht se kujt i drejtohet ky status—nëse bëhet fjalë për ndonjë hatërmbetje të momentit me njerëz të rrethit të ngushtë, apo për ndonjë “rivalitet” të vjetër që është riaktivizuar tani që ajo dhe Luizi janë sërish kryefjala e mediave rozë.
Zakonisht, personazhet publike tentojnë të shfaqen sa më pozitivë dhe të distancuar nga dramat para lançimeve të mëdha për të mos e spostuar vëmendjen nga projekti, por Kiara këtë herë ka vendosur të mos heshtë.
Ajo u ka dërguar një “urim” ironik xhelozëve, duke treguar se është e vetëdijshme për çfarë flitet pas krahëve. Mbetet për t’u parë nëse ky postim do të pasohet me ndonjë sqarim tjetër, apo gjithçka do të lihet me kaq deri në natën e premierës.
/ Prive By Liberta Spahiu
