Pas publikimit të këngës “Diss” nga Mozzik, ku reperi thumboi ish-menaxherin e tij Met Elshani me vargjet për ndarjen e fitimeve (70% me 30%), nuk ka vonuar reagimi i ashpër i këtij të fundit.
Përmes një postimi në rrjetet sociale, Elshani ka lëshuar akuza të rënda që kalojnë kufijtë e muzikës.
Met Elshani e ka cilësuar sjelljen e reperit si mosmirënjohje, duke deklaruar se “gënjeshtrat e tij e kanë çuar pikërisht aty ku është sot”. Ai hodhi akuza të forta lidhur me një ngjarje të vjetër, duke pretenduar se Mozzik po përpiqet t’i lërë fajin ish-bashkëshortes për veprime që, sipas tij, i kanë bërë së bashku.
Në reagimin e tij, Elshani përmend “vjedhjen e kursimeve të një gruaje të moshuar” dhe shkon deri aty sa thotë se këto veprime e çuan atë drejt fundit tragjik, ndërkohë që reperi vazhdon të “luajë djalin e mirë”.
Situata mes ish-bashkëpunëtorëve duket se ka arritur pikën e moskthimit, duke nxjerrë në dritë prapaskena që publiku nuk i kishte imagjinuar. /Prive By Liberta Spahiu
