Një dyshe e papritur ka vjedhur gjithë vëmendjen në Super Bowl LX, duke u kthyer në kryefjalën e mediave rozë.
Ylli i reality show-t, 45-vjeçarja Kim Kardashian, dhe kampioni britanik i Formula 1, Lewis Hamilton, 41 vjeç, u panë mjaft të afërt gjatë ndeshjes mes Seattle Seahawks dhe New England Patriots.
Kim u shfaq me një stil mjaft elegant, e veshur me një pallto të zezë leshi dhe syze dielli të mëdha, teksa flokët e saj i kishte mbledhur lart, duke e kompletuar pamjen me një gjerdan tërheqës.
Ajo që ka nxitur spekulimet për një romancë të mundshme ishin veprimet e tyre në audiencë, ku dyshja shkëmbeu puthje romantike, duke i bërë të gjithë sy e vesh nga ata.
Sipas një eksperti të leximit të buzëve, biseda e tyre la të kuptohej se gjërat po bëhen serioze, pasi u dëgjuan të flisnin për prezantimin e njëri-tjetrit me prindërit e tyre.
Në këtë mbrëmje plot shkëlqim, krahas tyre ishin të pranishme edhe motra e Kim, modelja Kendall Jenner, së bashku me mikeshën e saj të ngushtë, Hailey Bieber.
Atmosfera arriti kulmin gjatë performancës së yllit Bad Bunny, i cili dhuroi një show të jashtëzakonshëm në skenë, ndonëse prezenca e tij shtoi dozat e intrigës pasi ai është njëkohësisht edhe ish-i dashuri i Kendall Jenner.
Ky bashkim i yjeve në një ngjarje kaq të madhe ka bërë që rrjeti të vlojë nga komentet mbi jetën private të personazheve më të famshëm të momentit. /Prive By Liberta Spahiu
@glowsainz #lewishamilton #kimkardashian #kendalljenner #f1wags #superbowl ♬ Cry – Charlie Puth & Kenny G 
