Aktorja shumë e dashur për publikun, Demet Özdemir, po bëhet gati të festojë ditëlindjen e saj më 26 shkurt, por këtë vit ka vendosur të bëjë diçka të veçantë.
Përmes një postimi, ajo ka njoftuar se nuk dëshiron dhurata luksoze, duke treguar edhe një herë anën e saj humane.
Demet ka kërkuar nga miqtë dhe fansat e saj që në vend të dhuratave, të kontribujnë me donacione për shoqatën “Darüşşafaka”, e cila merret me shkollimin e fëmijëve jetimë. Ajo u shpreh se dëshiron t’u japë një shans për shkollim cilësor atyre që kanë më shumë nevojë, duke e cilësuar këtë si dhuratën më të mirë që mund të marrë.
Ky gjest ka marrë menjëherë mijëra pëlqime dhe komente mbështetëse. Ndjekësit e kanë vlerësuar lart aktoren për thjeshtësinë dhe dëshirën për të ndihmuar shoqërinë, duke e bërë këtë lajm një nga më të komentuarit e ditës në rrjetet sociale.
Nuk është hera e parë që yjet turq përdorin famën e tyre për kauza të tilla, por veprimi i Demet është parë si një frymëzim i vërtetë për të gjithë artistët e tjerë që të fokusohen te bamirësia dhe e ardhmja e fëmijëve. /Prive By Liberta Spahiu
View this post on Instagram
