Banorja e “Big Brother VIP Kosova”, Elijona Binakaj, ka hapur sërish zemrën duke ndarë me banorët dhe publikun pasojat e rënda psikologjike që i ka lënë aksidenti tragjik, ku humbi nënën dhe motrën e saj.
Përmes një bisede prekëse, ajo ka treguar se lufta me ankthin vazhdon edhe sot e kësaj dite, duke u shprehur se ende ndjek seanca terapie për të menaxhuar traumat e mbartura.
Elijona rrëfeu se trauma e pësuar në aksidentin me autobus është transformuar në një frikë paralizuese nga fluturimet, pasi mendja e saj e lidh lartësinë me pamundësinë për të pasur kontroll mbi situatën.
“Pas aksidentit qe e kena pas me autobus, une hala shkoj n’terapi. M’ka kap ankthi ne aeroplan, prej autobusit psiqika jeme e ka lidh me aeroplan se ne aeroplan e humb kontrollen, je ne ajer, me bo me ra ski qa me bo,” u shpreh ajo, duke shpjeguar se si frika është zhvendosur nga rruga në qiell.
Ajo kujtoi me emocion edhe momentet e panikut gjatë udhëtimeve, ku i është dashur ndihma e stjuardesave për të kaluar krizat e ankthit.
Përtej mjeteve të udhëtimit, Elijona zbuloi një detaj tronditës se si kjo ngjarje ka ndikuar edhe në perceptimin e saj për ngjyrat.
Ajo tregoi se ngjyra e kuqe i ka shkaktuar ankth për një kohë të gjatë, pasi ishte pikërisht ngjyra e autobusit ku ndodhi tragjedia.
Ky rrëfim i sinqertë ka prekur pa masë ndjekësit, duke treguar forcën e saj për t’u përballur me kujtimet e dhimbshme përpara gjithë shqiptarëve. /Prive By Liberta Spahiu
View this post on Instagram
