Nëse menduat se postimet e Anisa Veselit për Shën Valentin ishin thjesht një lojë për të trazuar ujërat e rrjetit, ndoshta duhet të mendoheni sërish. Ish-banorja e Big Brother VIP Kosova, e cila shpesh di si të ngacmojë imagjinatën e ndjekësve me postime provokuese, fillimisht krijoi përshtypjen se dalja e saj romantike mund të ishte thjesht një “skenar” i momentit për Instagram. Shumë ndjekës e interpretuan si një shaka të radhës, por siç thotë populli, ku ka zë nuk është pa gjë, dhe Anisa sapo na dha provën që ndryshon gjithë narrativën.
Dyshimet janë shuar përfundimisht me një fotografi të fundit, e cila duket se vulos statusin e saj sentimental dhe nuk lë më vend për aludime se ishte vetëm për vëmendje.
Në imazhin e publikuar pak minuta më parë, Anisa shfaqet tejet elegante dhe e kuruar në detaje në sediljen e pasagjerit, ndërsa në krahun e saj qëndron një mashkull, identiteti i të cilit është ruajtur me fanatizëm. Ajo ka zgjedhur të vendosë një zemër të madhe të bardhë mbi fytyrën e tij, një lëvizje klasike kjo e personazheve të showbiz-it kur duan të konfirmojnë se “janë të zënë”, por pa i dhënë publikut kënaqësinë e plotë të zbulimit.
Kjo foto vjen si një përgjigje e drejtpërdrejtë dhe e heshtur për të gjithë ata skeptikë që menduan se 14 Shkurti i Anisës ishte vetëm për show. Tani pyetja kryesore që gëlon në rrjet nuk është më nëse Anisa është beqare apo jo, por kush fshihet pas asaj zemre të bardhë që po e shoqëron në këto orë të vona? Derisa ajo të vendosë të bëjë zbulimin e madh, duket se Anisa po e shijon këtë fazë të re larg syve kureshtarë. /Prive By Liberta Spahiu
