Në këtë ditë jubile, ku Kosova feston 18 vjet si shtet i pavarur, artistja e njohur Tayna ka zgjedhur të përcjellë një mesazh mjaft prekës dhe plot krenari për vendlindjen e saj.
Përmes një postimi në rrjetet sociale, ajo ka bashkuar forcën e fjalës me imazhe simbolike, duke nderuar historinë dhe sakrificën e popullit të saj.
Tayna ka theksuar se liria e Kosovës ka një emër të skalitur në histori, duke u lutur që drejtësia të triumfojë për të gjithë ata që u përballën me sfidat e luftës. Ajo përmendi me respekt emrat e figurave historike si Hashim Thaçi, Kadri Veseli, Jakup Krasniqi dhe Rexhep Selimi, duke shprehur mbështetje për ta në proceset që po kalojnë.
“Le të mbyllen plagët e historisë sonë me nder dhe Kosova të triumfojë gjithmonë,” shkroi artistja, duke shoqëruar mesazhin me simbole kombëtare dhe një imazh ku shfaqet me veshje tradicionale.
Postimi i saj reflekton 18 vite krenari dhe një histori që vazhdon të shkruhet me guxim e dashuri për tokën dardanë.
Urimi i Taynës është mirëpritur nga mijëra ndjekës, duke u kthyer në një nga mesazhet më të fuqishme të këtij përvjetori nga bota e artit. /Prive By Liberta Spahiu
