Artisti shqiptarë, Gjesti, ka zgjedhur një mënyrë të veçantë për të uruar besimtarët me rastin e nisjes së muajit të shenjtë të Ramazanit.
Përmes një videoje të shpërndarë për ndjekësit, ai konfirmoi se do të jetë edhe vetë pjesë e agjërimit këtë vit.
Këngëtari nuk u mjaftua vetëm me urimin, por u bëri thirrje të gjithëve që ta shfrytëzojnë këtë muaj të madhërishëm për të agjëruar.
“U çova në syfyr, po e pres sabahun me falë dhe me kismet me ndihmën e zotit me e kry këtë muaj të shenjtë qysh duhet. Ishalla na lehtëson zoti, ishalla krejtve naj fal gjynahet. Duhet me bo, duhet me bo njerz, pasha zotin duhet me bo njerz! Sinqerisht, duhet me bo për zotin këtë muaj gjithqysh. Janë këto të mira edhe po pritojmë? Joo! Ma mirë vonë se kurrë. Me krejt të mirat ishalla, ishalla zoti na nimon krejtve. Urime edhe njiherë!” u shpreh ai në mesazhin e tij.
Ky mesazh i ndjerë i artistit shpërfaq qartë anën e tij besimtare dhe dëshirën e sinqertë për të motivuar të tjerët drejt veprave të mira dhe përkushtimit ndaj krijuesit. /Prive By Liberta Spahiu
