Prishtina po bëhet gati të përqafojë një dimension krejtësisht tjetër të jetës së natës këtë sezon veror. Nëse menduat se kryeqyteti kishte parë gjithçka, bëni mirë të mendoheni sërish. Gjigantët e organizimeve “Sono International”, të cilët njihen për sjelljen e emrave më të mëdhenj të muzikës elektronike në rajon, kanë konfirmuar zyrtarisht se destinacioni i tyre i radhës është Kosova.
Të gjithë e mbajmë mend suksesin absolut dhe atmosferën elektrizuese që ata krijuan në Tiranë me yjet ndërkombëtarë si Keinemusik apo Adam Port, dhe tani e njëjta energji do të transferohet për herë të parë në zemër të Prishtinës.
Lajmi është bërë i ditur përmes një videoje paralajmëruese në llogarinë zyrtare të “Sono”, ku shfaqen pamje të obeliskut ikonik në qendër të Prishtinës, shoqëruar me mbishkrimin e qartë: “Prishtinë, këtë verë do të kërcejmë bashkë”.
Por ajo që i vuri edhe më shumë kuriozitet ngjarjes ishte një ripostim me shumë stil nga Alaudin Hamiti. Moderatori dhe producenti i njohur, i cili gjithmonë di se ku është pulsi i eventeve më të rëndësishme, e ndau videon me ndjekësit e tij në Instagram me një mesazh mjaft domethënës: “Këtë verë takohemi në shtëpi!”.
Një gjë është e sigurt: adhuruesit e ritmeve elektronike duhet të bëhen gati. “Sono” nuk zhgënjen kurrë me line-up-et e tyre, ndaj jemi në pritje të zbulimit se cilët DJ botërorë do të pushtojnë skenën prishtinase këtë herë. /Prive By Liberta Spahiu
View this post on Instagram
