Muaji Mars ka nisur me një energji intensive dhe tejet të paparashikueshme. Me ngjarje të forta astrologjike dhe lëvizje të tensionuara të planetëve, qielli i këtij muaji paralajmëron se çdo hap i nxituar mund t’ju kushtojë shtrenjtë. Nëse po planifikoni ndryshime të mëdha në dashuri apo karrierë, yjet kanë një mesazh të qartë: bëni kujdes dhe mendohuni dy herë, pasi energjia e këtij muaji po “shkund” themelet e sigurisë suaj, duke nxjerrë në pah të vërteta të fshehura.
Gjatë kësaj periudhe, komunikimi dhe vendimet e rëndësishme mund të përballen me vonesa ose keqkuptime. Astrologët paralajmërojnë të shmangni nënshkrimin e kontratave të rëndësishme apo blerjet e mëdha. Po ashtu, dëshira për të marrë vendime të shpejta në jetën sentimentale do të jetë e lartë, ndaj rreziku për t’u penduar nga reagimet momentale është tepër i madh. Mos veproni me nxitim pa analizuar situatën.
Për shenjat e Zjarrit (Dashi, Luani, Shigjetari), energjia do të jetë në kulm, por impulsiviteti është armiku më i madh këtë muaj. Bëni kujdes me fjalët e thëna në gjaknxehtësi, veçanërisht me partnerin ose në ambientin e punës. E papritura më e madhe mund të vijë në formën e një oferte të re tunduese, por mos thoni “Po” pa lexuar mirë rreshtat e vegjël.
Shenjat e Tokës (Demi, Virgjëresha, Bricjapi) do të përballen me teste në fushën e financave dhe stabilitetit. Mund të keni shpenzime të papritura ose një projekt që zvarritet jashtë parashikimeve. Sekreti këtë muaj është të jeni fleksibël dhe të mos dorëzoheni, pasi pengesat janë vetëm të përkohshme dhe do t’i kaloni me sukses nëse tregoni durim.
Për shenjat e Ajrit (Binjakët, Peshorja, Ujori), keqkuptimet do të jenë në rendin e ditës. Të papriturat lidhen kryesisht me të shkuarën, ku një ish-partner apo një mik i vjetër mund t’ju dërgojë një mesazh të papritur. Bëni kujdes se kujt i besoni sekretet dhe mos u përfshini në thashetheme që mund t’ju kthehen si bumerang në ditët në vijim.
Së fundmi, për shenjat e Ujit (Gaforrja, Akrepi, Peshqit), ky muaj sjell një zgjim të fortë emocional dhe intuitiv. Mund të përjetoni një moment “ndriçimi” të papritur që do t’ju ndryshojë krejtësisht këndvështrimin për një person të rëndësishëm në jetën tuaj. Ruani qetësinë dhe mos merrni vendime drastike bazuar vetëm në emocionet e një nate. /Prive By Liberta Spahiu
