Nostalgjia po godet fort këtë sezon! Nëse ju ka marrë malli për atë Bleron e fillimeve që na mbërthente para ekraneve me baladat e tij të thella të dashurisë, duket se lutjet tuaja më në fund janë dëgjuar. Këngëtari i njohur ka lënë të kuptohet se po i rikthehet fuqishëm rrënjëve të tij muzikore.
Përmes një sekuence të shkurtër të ndarë me ndjekësit në Instagram, Blero ka paralajmëruar një super projekt të ri. Këtë herë, ai nuk është vetëm, por vjen në një bashkëpunim me Majlinda Topanicën, ndërsa muzika mban vulën e producentit të njohur, Bini Diez.
Ajo që mori menjëherë vëmendjen është padyshim teksti i këngës, i cili godet direkt në zemër të atyre që kanë vuajtur nga dashuria: “Ki me pa kush t’ka dashtë si unë valla, kush ka jetu veç për ty”. Një dedikim i ndjerë që me gjasë do të kthehet shpejt në kolonën zanore të ndarjeve. Ne të Prive By Liberta Spahiu jemi sy e veshë për të zbuluar datën e publikimit.
