Fituesi i edicionit të katërt të “Big Brother VIP Kosova”, Londrimi, ka qenë së fundmi i ftuar në emisionin e njohur të moderatorit Meriton Mjekiqi.
Krahas bisedës për eksperiencën e tij televizive në shtëpinë e famshme, ai ndau me publikun edhe planet dhe ëndrrat e tij për të ardhmen.
Siç e do tashmë tradita e këtij emisioni, të ftuarit performojnë live në studio. Londrimi nuk bëri përjashtim dhe këndoi këngët e tij, ‘Prek’ dhe ‘Maria’.
Megjithatë, performanca e tij muzikore duket se ka tërhequr vëmendjen e një tjetër personazhi të dashur për publikun.
Xuxi, ish-finalisti i edicionit të tretë të BBVK, nuk ka ngurruar të japë mendimin e tij profesional pasi e ka dëgjuar të këndojë. Ai ka lënë një koment epik dhe të drejtpërdrejtë në Instagram për fituesin e këtij viti.
“Sorry bro ama s’je në tonalitet!!? As Meritoni me brr nuk mundet me të ndihmu?! Ama, je simpatik djalë” – ka shkruar Xuxi, një koment ky që po bën xhiron e rrjetit dhe ka shkaktuar shumë reagime tek ndjekësit. /Prive By Liberta Spahiu
