Franceska Murati, e cila në sytë e publikut personifikohet gjithmonë për stilin e saj elegant, të kuruar dhe me një qëndrim prej “zonje të vërtetë”, ka zbuluar sekretin e gjenetikës së saj.
Përmes disa postimeve të rralla në llogarinë e saj në Instagram (InstaStory), bukuroshja ka ndarë me ndjekësit disa imazhe të nënës së saj, duke i lënë të gjithë pa fjalë. Ajo që bie menjëherë në sy është pamja mjaft rinore, tiparet e ëmbla dhe sharmi i padiskutueshëm i zonjës.
E veshur me të zeza, me një model flokësh plot volum dhe një grim të lehtë që i thekson sytë e shkruar, nëna e Franceskës rrezaton elegancë natyrale. Vetë Franceska ka ndarë një detaj surprizues me ndjekësit, duke theksuar se nëna e saj është plot 60 vjeç, por pavarësisht kësaj, ruan një freski të admirueshme.
“Nëna ime është 60 vjeç dhe duket më e re se unë. Nuk e postoj kurrë, ndaj shijojeni këtë rast të rrallë,” – ka shkruar Franceska me shaka krahas fotove, duke e shoqëruar me një emoji të syrit të keq.
Nga këto imazhe të rralla, kuptohet qartë se nga e ka marrë bukurinë Franceska. Pamja prej “zonje” dhe klas-i duket se janë një traditë e trashëguar nënë e bijë, duke vërtetuar edhe një herë shprehjen se “dardha bie nën dardhë”. /Prive By Liberta Spahiu
