Mbrëmja e djeshme në “Big Brother VIP Albania 5” ishte plot emocione të forta, veçanërisht momenti i eliminimit të Gimbos, i cili la në lot partneren e tij, Selin.
Por për shumë ndjekës besnikë të formatit, kjo skenë e dhimbshme solli një “deja vu” nga edicioni i parë i këtij reality show.
Rrjeti zjeu menjëherë nga krahasimet, duke gjetur ngjashmëri të jashtëzakonshme mes dy çifteve dhe rrugëtimeve të tyre.
Ashtu si në BBVA 1 me DJ Dagz dhe Einxhel Shkirën, edhe këtë herë kemi të bëjmë me një djalë (DJ) nga Kosova, i cili krijon një lidhje brenda shtëpisë me një vajzë me karakter të fortë nga Shqipëria. Të dy djemtë patën të njëjtin fat në lojë: u eliminuan duke i lënë partneret e tyre të përlotura brenda shtëpisë, për të vazhduar garën të vetme.
Kjo paralele nuk i ka shpëtuar as vetë Einxhel Shkirës, me të cilën Selin po krahasohet gjerësisht në rrjet për natyrën e saj luftarake dhe të drejtpërdrejtë. Moderatorja e njohur ka rishpërndarë në InstaStory-n e saj një kolazh fotosh nga fansat ku krahasoheshin dy momentet e ndarjes me mbishkrimin: “Ehhh ne të shkretët që i përjetojmë për të dytën herë.”
Por ajo që mori vëmendjen e të gjithëve ishte komenti epik i Einxhelit bashkangjitur këtij postimi. Ajo i qetësoi fansat duke shkruar: “Por këtë herë do përjetoni dhe fitoren”.
Me këtë fjali të shkurtër, por mjaft domethënëse, Einxhel jo vetëm që tregoi mbështetjen e saj për Selin, por bëri edhe një parashikim. Duke hequr një paralele me veten – ku ajo arriti në finale por u rendit e treta – Einxhel theksoi se historia e lotëve mund të jetë përsëritur, por këtë herë fundi do të jetë ndryshe, duke kurorëzuar Selin si fituesen e këtij edicioni! /Prive By Liberts Spahiu
