Ish-banori i “Big Brother VIP Albania 4”, Jozi Marku, ka festuar mbrëmë ditëlindjen e tij të 30-të në një atmosferë fantastike.
Për të shënuar këtë moment të veçantë, ai ka organizuar një super festë, i rrethuar nga njerëzit e tij më të dashur.
Të pranishëm në këtë gëzim ishin miq e bashkëpunëtorë të shumtë. Mes të ftuarve ra në sy prania e ish-banores tjetër të BBV, Amber, si dhe mikut të tij, Xhani Demika, e plot të tjerëve që shijuan natën së bashku me djalin e ditëlindjes.
Për të ndezur atmosferën u zgjodh muzika më e mirë. E ftuar speciale për të performuar në festë ishte këngëtarja e njohur Eli Malaj, e cila ndezi atmosferën me zërin e saj dhe muzikën live.
Por, duke qenë se vetë Jozi është këngëtar, ai nuk e la këtë natë pa marrë mikrofonin.
Siç shihet edhe nga pamjet e publikuara në rrjetet sociale, gjatë performancës së Jozit nuk kanë munguar as momentet gazmore dhe tradicionale, ku miqtë i janë afruar duke i vendosur kartëmonedha në ballë teksa ai këndonte plot buzëqeshje.
Urime Jozi! /Prive By Liberta Spahiu
