Mbrëmja e sotme shënon nisjen e edicionit të shumëpritur të “Ferma VIP”, i cili do të vijë nën moderimin e Arbana Osmanit. Tashmë kemi edhe konfirmimin e njërit prej banorëve më të dashur për publikun: aktorit Elvis Pupa!
I ftuar së fundmi në podcastin “Zë me Mirën”, Visi ka folur hapur për vendimin e tij për t’u bërë pjesë e këtij reality show, dhe si gjithmonë, nuk ka lënë pa përdorur humorin e tij karakteristik. Ai ka zbuluar se personi që e bindi të futej në këtë aventurë të re në natyrë ishte pikërisht bashkëshortja e tij, Belina.
“Mendjen për t’u futur te ‘Ferma VIP’ ma mbushi Belina. Herën e parë në Big Brother VIP, ika se 16 vjet me gruan. Thashë të rri 2 muaj në qetësi. Do ti që i pëlqeu kjo qetësi asaj, tha futu dhe te ‘Ferma’,” – u shpreh aktori mes batutave.
Me Visin brenda, me siguri të qeshurat nuk do të mungojnë në fermën që hap dyert sonte.
