Këngëtarja e njohur shqiptare, Soni Malaj, e cila mbrëmë filloi aventurën në ‘Ferma VIP’, ka ndarë një rrëfim të sinqertë dhe mjaft emocional lidhur me të kaluarën e saj.
Soni ka folur hapur për marrëdhënien me ish-bashkëshortin e saj, Mirkon, duke zbuluar detaje nga raporti që ruajnë sot.
Mes toneve nostalgjike, Soni kujtoi periudhën kur ata ishin bashkë, duke vlerësuar afërsinë dhe harmoninë që kishin ndërtuar si çift. Ajo theksoi se ish-partneri i saj ka qenë balerin dhe aktor, ndërsa kujtoi se rrugëtimi i tyre i përbashkët mori jetë pikërisht gjatë spektaklit të kërcimit.
“Shkonim shumë bashkë. Mbyteshim duke u zënë por shkonim shumë! Ne kemi një raport shumë të mirë për shkak të vajzës,” u shpreh këngëtarja, duke theksuar se lidhja e tyre ka qenë e fortë dhe e mbushur me intensitet.
Për të ilustruar raportin e shkëlqyer që ruajnë ende sot, artistja ndau edhe një episod interesant me publikun: “Madje njëherë kemi shkuar tek një estetiste këtu në Shqipëri dhe ajo na tha: ‘Me ju pa, ju nuk dukeni të ndarë’.”
Megjithëse rrugët e tyre janë ndarë prej kohësh, Soni la të kuptohet se kujtimet e asaj periudhe mbajnë një vend të rëndësishëm në jetën e saj. Ajo tregoi se përvojat e së kaluarës kanë ndikuar drejtpërdrejt në mënyrën se si e sheh sot jetën dhe marrëdhëniet, duke reflektuar një qasje të vetëdijshme dhe pjekuri të lartë emocionale.
/Prive By Liberta Spahiu
View this post on Instagram
