Në emisionin e mëngjesit “Wake Up” ishte sot e ftuar Rabea Shahini, bashkëshortja e një prej banorëve më të komentuar të Big Brother VIP Albania, Mirit. Ajo ndau me publikun opinionin e saj për lojën që po bën partneri i saj brenda shtëpisë së famshme dhe dinamikat e krijuara së fundmi.
Gjatë bisedës, Rabea u u pyet për një nga raportet më të përfolura të këtij edicioni: aleanca e ngushtë që Miri krijoi në fillim me banoren tjetër, Selin. Megjithatë, sipas saj, ndarja e rrugëve në lojë i ka bërë mirë atij. Rabea theksoi se tani që Miri nuk e ka më Selin si aleate, ai po tregon potencialin e tij të vërtetë dhe po luan shumë më fort krahasuar me fillimin kur e bënin lojën së bashku.
Një tjetër moment i rëndësishëm i intervistës ishte komenti i saj rreth situatës delikate të krijuar me babain e Selin. Pasi Miri pa deklaratat që babai i banores kishte bërë për të, reagimi i tij u diskutua gjerësisht jashtë, por Rabea e ka një shpjegim të qartë për këtë.
Ajo sqaroi se Miri absolutisht nuk e ndryshoi qëndrimin e tij, por mënyra se si e menaxhoi situatën ishte thjesht një tregues i respektit që ai ruan për Selin. Rabea shtoi se kjo është pikërisht natyra e vërtetë e Mirit; ai është një person me karakter të qëndrueshëm që nuk ndryshon lehtë, e ruan qetësinë dhe gjithmonë mendohet mirë para se të flasë.
/Prive By Liberta Spahiu
