Spektakli i mbrëmshëm i “Prime” në Big Brother VIP Albania është shoqëruar me tensione dhe emocione të forta, veçanërisht sa i përket dinamikave të krijuara mes Selin dhe Mirit. Një nga momentet më kulminante të natës ishte kur nëna e Selin i kërkoi asaj të ndërpriste rrugëtimin dhe të linte lojën. Megjithatë, pavarësisht presionit të situatës, banorja vendosi të refuzojë këtë kërkesë dhe të vazhdojë e vetme garën e saj drejt finales.
Kjo situatë e tensionuar brenda shtëpisë ka sjellë një valë reagimesh edhe jashtë saj. Landi Hysi, miku dhe bashkëpunëtori i ngushtë i Mirit nga grupi ikonik “West Side Family”, ka zgjedhur të rreshtohet fuqishëm dhe publikisht në krah të mikut të tij përmes disa postimeve në rrjetin social Instagram.
Përmes disa Instastory-ve të njëpasnjëshme, Landi ka treguar mbështetje të pakushtëzuar për Mirin, duke u shprehur thellësisht i bindur në të drejtën e tij.
“Më parë vdes se të heq dorë nga Xhiku që s’ka bërë asnjë faj!!! Miri, Miri dhe vetëm Miri!!!” – shkruan ai në njërin prej postimeve ku edhe e etiketon. Në një postim tjetër, ai shihet duke shkruar “Unë rrugës për t’këndu me Xhikun… Miri, Miri dhe vetëm Miri”.
Edhe pse jo në formë të drejtëpërdrejtë, Landi nuk ka kursyer gjuhën e ashpër ndaj Selin. Ai i ka nisur dhe mbyllur reagimet e tij virtuale me shprehjet provokuese “Në parantezë: Mirëmbrëma kuçka” dhe “Natën e mirë kuçka!!!”. /Prive By Liberta Spahiu
